** 14 - 18 Gorffennaf 2008 **
Mae profiad gwaith i’w weld yn bell i ffwrdd ond mae’r broses eisoes wedi dechrau. Eleni bydd profiad gwaith ar ddiwedd tymor yr Haf, a bydd llawer o ysgolion eraill allan yr un pryd. Bydd tipyn o gystadleuaeth am leoliadau poblogaidd megis cyfreithwyr, ffisiotherapi ac ati ac felly cyntaf i’r felin caiff falu.
Gall eich plentyn dewis leoliad profiad gwaith mewn dwy ffordd:
Naill ai drwy ddewis lleoliad eu hunain.:
Efallai bod rhywun yr ydych yn ‘nabod wedi cynnig lleoliad iddynt yn barod, neu eu bod yn siŵr yr hoffent fynd i rywle arbennig e.e. ysbyty, cyfreithiwr, deintydd, theatr neu ganolfan chwaraeon. Os felly rhaid iddynt gysylltu â’r unigolyn neu’r cwmni yn syth. Gan ofyn iddynt a fyddent yn fodlon cynnig lleoliad i’ch plentyn.Defnyddiwch y ffurflen sydd gyda’r llythyr hon i gofnodi’r manylion. Rhaid i’r cyflogwr a rhieni lofnodi’r ffurflen. Rhaid dychwelyd y ffurflen i fi, Ms Moses ar ôl ei gwblhau ( Cyn diwedd y tymor os yn bosib)
Neu ddewis o’r lleoliadau sydd ar gael ar bâs data Gyrfau Cymru.
Efallai nad yw eich plentyn yn siŵr ble i fynd a hoffai weld beth sydd ar gael. Mae pob cyflogwr sy’n fodlon cymryd disgybl o Ysgol Gyfun Gŵyr yn ystod yr wythnos honno wedi rhoi ei enw ar y bâs data. Gall eich plentyn archwilio’r bâs data a dewis rhywbeth sy’n apelio iddo.Cofiwch bydd tipyn o gystadleuaeth o hyd am y lleoliadau,
Bydd eich plentyn yn cael cyfle i archwilio’r bâs data yn ystod amserau cinio penodol yn LC2 neu yn y gwersi gyrfau.
Ms Mary Moses
Cyd-gysylltydd Profiad Gwaith
Tachwedd 2007